Маңғыстау облыстық тарихи-өлкетану музейінің Хиуаға сапары.

2017 жылы ҚР Тұңғыш Президенті, Елбасы Н: Назарбаев пен Өзбекстан Республикасы Президенті Ш. Мирзиеев алдағы екі жылда өзбек мәдениетінің Қазақстандағы, қазақ мәдениетінің Өзбекстандағы жылдарын атап өту жайлы келісімге келген болатын.

         Аталған келісім негізінде ағымдағы жылдың 18 – 24 қараша күндері  құрамында Маңғыстау олысытқ Мәдениет басқарма басшысы Пәния Оңалбаевна бастаған  «Ақ жарма» фольклорлық ансамблі, облыстық тарихи-өлкетану музейі, «Жорға» би тобы, М. Өскінбаев атын. облыстық филармония әншілері Хорезм жұртшылығын Маңғыстаудың дәстүрлі өнерімен тәнті етті.

         Үргеніш қаласында өткен мерекелік шаралар басырысында  «Ұлы дала мұралары» атты фотокөрме келушілерге кеңінен таныстырылып,  «Біз шырқаймыз достық әнін» атты концерттік бағдарламалар өзбек жұртшылығы мен жергілікті қазақ диаспорасының ыстық ықыласына бөленді.

         Мәденеиет күндеріне арнайы құрылған 50 адамдық құрамды поезд тоқтаған әр бекетте күтіп алып жылы лебізін жолдап, ақ жол тілеген тілеулестер аз болмады. Соның ішінде тоғыз жолдың торабын қоныс еткен Бейнеу ауданының әкімшілгі, мәдениет саласының үздіктері және Қарақалпақстан елінің Қоңырат қаласының әкімшілігі мен мәдениет қызметкерлеріне, Хиуа шаһарын таныстырған музей қызметкерлеріне қонақжайлылығы үшін алғысымызды білдіреміз.

Рахмет Өтесіновтың туғанына 90 жыл

16-17 қаңтар күндері Маңғыстау облыстық тарихи-өлкетану музейінің Жаңаөзен қалалық филиалында Қазақ КСР-інің еңбек сіңірген мұнайшысы, КСРО мұнай өнеркәсібінің құрметті мұнайшысы, Қазақстан Жазушылар одағының мүшесі – Рахмет Өтесіновтың туғанына 90 жыл толуына орай №1, №6, № 21 орта мектеп оқушыларына «Қазақ мұнайының ардақтысы» тақырыбында тақырыптық экскурсия өткізіліп, бейне слайд көрсетілді. 

О. Көшбайұлының "Мекке сапары" ойтолғам кітабы жарық көрді.

Маңғыстау облыстық тарихи-өлкетану музейінің қызметкері, белгілі өлкетанушы Отыншы Көшбайұлының «Мекке сапары» атты ойтолғам кітабы жарық көрді. 

«Жаңа заман кезеңі» және «Қазіргі Қазақстан» атты көрме залдарының ашылу салтанаты өтті.

ҚР тәуелсіздігінің 25 жылдығына орай облыстық мұражайда «Жаңа заман кезеңі»(XV-XIXғғ. Маңғыстау тарихы)  және «Қазіргі Қазақстан» атты көрме залдарының ашылу салтанаты өтті. 

«Маңғыстаудан түлеп ұшқан тас түлек»

14 желтоқсан күні Қазақстан Республикасы Тәуелсіздігінің 25 жылдығына орай, облыстық музейде Қазақтан шыққан тұңғыш бокс шебері Ш.Бөлтекұлының 100 жылдығына орай жасақталған «Маңғыстаудан түлеп ұшқан тас түлек» атты тұрақты көрменің ашылу салтанаты өтті.  

«Киіз үй – ұлттық құндылықтар қазынасы» атты киіз үй тігуден мектеп оқушылары арасында облыстық жарыс өтті.

  12 желтоқсан күні Қазақстан Республикасы Тәуелсіздігінің 25 жылдығына орай, облыстық музейде «Киіз үй – ұлттық құндылықтар қазынасы» атты киіз үй тігуден мектеп оқушылары арасында облыстық жарыс өтті. Мұндай шара облыс көлемінде алғаш рет өтіп отыр. Сайысқа Маңғыстау ауданынан Е. Айшуақұлы атындағы  орта мектеп оқушылары мен Мұнайлы ауданынан №10 жалпы білім беру орта мектебінің оқушылары қатысты.

«Шебердің қолы ортақ» көрме-жәрмеңкесі өтті.

9 желтоқсан күні облыстық музейде Қазақстан Республикасы Тәуелсіздігінің 25 жылдығына орай «Ұлы дала елі – Тәуелсіздіктің 25 негізі» атты іс-шаралар жоспары аясында «Шебердің қолы ортақ» атты жергілікті қолөнер шеберлерінің қатысуымен көрме жәрмеңкесі өтті.