Асыл сөзді іздесең, Абайды оқы ерінбе!

Әбіш Кекілбайұлы атындағы Маңғыстау облыстық тарих-өлкетану музейінде ұйымдастырылған қазақтың бас ақыны, данышпан ойшылы Абай Құнанбайұлының 175 жылдығына арналған «Абайды оқы, ой толға!» атты танымдық шараға облыстық Нұр Отан партиясының өкілдері, Бекет Ата мешітінің бас имамы Әнуар Ізімбайұлы бастаған қала, аудан имамдары, мәдениет басқармасына қарасты мәдениет мекемелерінің қызметкерлері, Ш. Есенов атындағы КМТжИУ-нің студенттерінен құралған ерікті студенттер тобы, Назарбаев зияткерлік мектебінің ұстаздары мен оқушылары, 2201 А әскери бөлімінің сарбаздары, БАҚ өкілдері қатысты.

Танымдық шараның негізгі мақсаты - Ұлы Абай мұрасын оқып-үйренуге, Абайтану ілімін терең меңгеруге, «толық адам», «кәміл мұсылман» идеясынан  тағылым алуға шақыру.

Келушілер Ұлы Абайдың әр жылдары салынған тарихи портреттерінен және Абай шығармалары мен Абай туралы жазылған әдеби басылымдардан жасақталған көрмелерді тамашалады. «Үндестік-созвучие» деген атпен берілген Гёте-Лермонтов-Абай поэзиялары мен аудармалары туралы мәліметтерді алды.

Шараға қатысушылар Абай өлеңдері мен поэмаларын жатқа оқып, аудармаларынан қойылым көрсетті.

Танымдық шарада белсенділік көрсеткен қатысушылар музейдің «Алғыс хатымен» Абайдың қара сөздері мен өлеңдері жинақтарымен марапатталды. Шараға қатысқан облыстық Нұр Отан партиясының өкілдері үздік орындаушыларды бағалы сыйлықтармен марапаттады.

Рахмет Өтесіновтың туғанына 90 жыл

16-17 қаңтар күндері Маңғыстау облыстық тарихи-өлкетану музейінің Жаңаөзен қалалық филиалында Қазақ КСР-інің еңбек сіңірген мұнайшысы, КСРО мұнай өнеркәсібінің құрметті мұнайшысы, Қазақстан Жазушылар одағының мүшесі – Рахмет Өтесіновтың туғанына 90 жыл толуына орай №1, №6, № 21 орта мектеп оқушыларына «Қазақ мұнайының ардақтысы» тақырыбында тақырыптық экскурсия өткізіліп, бейне слайд көрсетілді. 

О. Көшбайұлының "Мекке сапары" ойтолғам кітабы жарық көрді.

Маңғыстау облыстық тарихи-өлкетану музейінің қызметкері, белгілі өлкетанушы Отыншы Көшбайұлының «Мекке сапары» атты ойтолғам кітабы жарық көрді. 

«Жаңа заман кезеңі» және «Қазіргі Қазақстан» атты көрме залдарының ашылу салтанаты өтті.

ҚР тәуелсіздігінің 25 жылдығына орай облыстық мұражайда «Жаңа заман кезеңі»(XV-XIXғғ. Маңғыстау тарихы)  және «Қазіргі Қазақстан» атты көрме залдарының ашылу салтанаты өтті. 

«Маңғыстаудан түлеп ұшқан тас түлек»

14 желтоқсан күні Қазақстан Республикасы Тәуелсіздігінің 25 жылдығына орай, облыстық музейде Қазақтан шыққан тұңғыш бокс шебері Ш.Бөлтекұлының 100 жылдығына орай жасақталған «Маңғыстаудан түлеп ұшқан тас түлек» атты тұрақты көрменің ашылу салтанаты өтті.  

«Киіз үй – ұлттық құндылықтар қазынасы» атты киіз үй тігуден мектеп оқушылары арасында облыстық жарыс өтті.

  12 желтоқсан күні Қазақстан Республикасы Тәуелсіздігінің 25 жылдығына орай, облыстық музейде «Киіз үй – ұлттық құндылықтар қазынасы» атты киіз үй тігуден мектеп оқушылары арасында облыстық жарыс өтті. Мұндай шара облыс көлемінде алғаш рет өтіп отыр. Сайысқа Маңғыстау ауданынан Е. Айшуақұлы атындағы  орта мектеп оқушылары мен Мұнайлы ауданынан №10 жалпы білім беру орта мектебінің оқушылары қатысты.

«Шебердің қолы ортақ» көрме-жәрмеңкесі өтті.

9 желтоқсан күні облыстық музейде Қазақстан Республикасы Тәуелсіздігінің 25 жылдығына орай «Ұлы дала елі – Тәуелсіздіктің 25 негізі» атты іс-шаралар жоспары аясында «Шебердің қолы ортақ» атты жергілікті қолөнер шеберлерінің қатысуымен көрме жәрмеңкесі өтті.