"МУЗЕЙ ТҮНІ" мәдени-көпшілік шарасы өтті

          27 маусым күні Мемлекеттік хатшы М.М.Тәжин төрағалық еткен кеңесте күн тәртібінде "Рухани жаңғыру" бағдарламасын іске асыру және оның тиімділігін одан әрі арттыру шаралары туралы мәселе қаралып, Республиканың Мәдениет саласына серпіліс беру мақсатында арнайы тапсырмалар берген болатын. Еліміздегі музейлерге "Мзей түні" шарасын жиі өткізу туралы мәселе көтерілді. 

           20 қыркүйек күні Маңғыстау облыстық тарихи-өлкетану музейі аталған мәдени шараны Ақтау қаласының туған күніне орайластырып өткізді. Бұл түнде еліміз бойынша Маңғыстау облысынан осымен екінші рет табылып отырған суасты алып тіршілік иесі - ихтиозаврдың сүйегі көрмеленіп, алғаш рет көрермендер назарына ұсынылды. Сонымен бірге қала күніне орай "Қалам менің - мақтанашым" атты фотокөрме және 60-жылдардың басындағы кеңестік тұрмыстың көрінісі келтірілген шағын Ретро-көрме жасақталды. Сүйікті қаланың байырғы тұрғындары мен қонақтары көрмелерді белсенді тамашалап, жоғары бағасын берді. Болашақта бұл шара жалғасын табатын болады. 

Рахмет Өтесіновтың туғанына 90 жыл

16-17 қаңтар күндері Маңғыстау облыстық тарихи-өлкетану музейінің Жаңаөзен қалалық филиалында Қазақ КСР-інің еңбек сіңірген мұнайшысы, КСРО мұнай өнеркәсібінің құрметті мұнайшысы, Қазақстан Жазушылар одағының мүшесі – Рахмет Өтесіновтың туғанына 90 жыл толуына орай №1, №6, № 21 орта мектеп оқушыларына «Қазақ мұнайының ардақтысы» тақырыбында тақырыптық экскурсия өткізіліп, бейне слайд көрсетілді. 

О. Көшбайұлының "Мекке сапары" ойтолғам кітабы жарық көрді.

Маңғыстау облыстық тарихи-өлкетану музейінің қызметкері, белгілі өлкетанушы Отыншы Көшбайұлының «Мекке сапары» атты ойтолғам кітабы жарық көрді. 

«Жаңа заман кезеңі» және «Қазіргі Қазақстан» атты көрме залдарының ашылу салтанаты өтті.

ҚР тәуелсіздігінің 25 жылдығына орай облыстық мұражайда «Жаңа заман кезеңі»(XV-XIXғғ. Маңғыстау тарихы)  және «Қазіргі Қазақстан» атты көрме залдарының ашылу салтанаты өтті. 

«Маңғыстаудан түлеп ұшқан тас түлек»

14 желтоқсан күні Қазақстан Республикасы Тәуелсіздігінің 25 жылдығына орай, облыстық музейде Қазақтан шыққан тұңғыш бокс шебері Ш.Бөлтекұлының 100 жылдығына орай жасақталған «Маңғыстаудан түлеп ұшқан тас түлек» атты тұрақты көрменің ашылу салтанаты өтті.  

«Киіз үй – ұлттық құндылықтар қазынасы» атты киіз үй тігуден мектеп оқушылары арасында облыстық жарыс өтті.

  12 желтоқсан күні Қазақстан Республикасы Тәуелсіздігінің 25 жылдығына орай, облыстық музейде «Киіз үй – ұлттық құндылықтар қазынасы» атты киіз үй тігуден мектеп оқушылары арасында облыстық жарыс өтті. Мұндай шара облыс көлемінде алғаш рет өтіп отыр. Сайысқа Маңғыстау ауданынан Е. Айшуақұлы атындағы  орта мектеп оқушылары мен Мұнайлы ауданынан №10 жалпы білім беру орта мектебінің оқушылары қатысты.

«Шебердің қолы ортақ» көрме-жәрмеңкесі өтті.

9 желтоқсан күні облыстық музейде Қазақстан Республикасы Тәуелсіздігінің 25 жылдығына орай «Ұлы дала елі – Тәуелсіздіктің 25 негізі» атты іс-шаралар жоспары аясында «Шебердің қолы ортақ» атты жергілікті қолөнер шеберлерінің қатысуымен көрме жәрмеңкесі өтті.